مشروع لحل مشكله عدم وجود صناديق زباله في الشارع

بالرغم من انا ما بنزلش تقريبا من البيت، وان انا معمولي حظر تجوال بسب البلطجيه، الا ان انا كل ما أنذلل الشارع الاحظ ان الناس برضه راميه ورق وزباله في الشارع

غالبا بقود اقول ان الناس عمرها مهتتغير وان لسه قدمنا كتييييير لغايه ما نبقي دوله متقدمه ولو نسبيا حتي، الا اني لاحظت ان انا – وانا غير فخوره بذلك ابدا – برمي المناديل بالذات في الشارع مع اني من المفروض اني متعلمه ومتنوره وما الي ذلك

في الخقيقي انا برمي الناديل بالذات في الشارع لاني مش بحب احتاها في الشنطه – علي عكس اكياس الشبسي مثلا - ومش بلاقي صناديق زباله ارميهم فيها زي ما انتم اكيد عارفين

كان الحل المنطقي اني اخلي معايا كيس صغير ارمي فيه الزباله وابقي افضيه لما اروح

بس مش كل الناس هتقدر تشتري الأكياس دي، ولو اشتروها مره مش هيشتروها تاني (انا بتكلم عن عامه الشعب الغلابه ودول غالبا اكتر ناس بترمي زباله في الشارع).طب ايه الحل؟

بسيطه زي ما عملنا لجان شعبيه لحمايه البيوت، نشتري صناديق زباله ونعلقها علي عواميد النور

طب ومين هيفضي الصناديق دي؟

بسيطه، نتفق مع شركات النظافه انها تفضيها

بس الموضوع ده هياخد وقت، واعتقد ان الشركات دي مش هتتحمس لمشروع ذي ده بسهوله خاصه انه مش مربح لهذه الدرجه

طب ايه الحل؟

الحل في دآي ان تقوم آحد الجمعيات الاهليه زي دساله او علشانك يا بلدي او او او، بأنشاء صندوق تبرعات مبدأي لفتره قصيره، واعتقد ان الجمعيات دي عندها شعبيه كبيره الي حدا ما و ممكن تجمع المبلغ المطلوب بسرعه، دا اذا مكنش المبلغ ده عندها اصلا لاني لا اعتقد انه كبير

بالفلوس دي هنشتري مجموعه من صناديق الزباله اللي بتتعلق علي العواميد وهنقسم القاهره الي مناطق و نبتدي منطقه منطقه

مثلا هنيتدي بالمعادي (علشان انا سكنه هناك)، احنا عندنا بطاله، وزادت بعد الناس ما رجعت من لبيا، هنوظف مجموعه من العمال دول، وهما اللي هيقوموا بجمع الزباله

طيب الزباله دي هنعمل بيها ايه؟ هنقوم باستأجار مستودع في كل حي، يتم فيه فرز الزباله وبيعها الي شركات اعاده التصنيع recycling

والفلوس دي مع صندرق التبرعات اعتقد ستكون كافيه لتغطيه تكاليف المشروع

بس المشروع ده لازم يصاحبه حملات توعيه للمواطنين بأن يرموا الزباله في الصناديق الجديده بدلا من ان يرموها علي الأرض

ولتجنب اي صدامات مع شركات الزباله، والزبالين بالتحديد، فان هذا المشروع لن يمس مقالب زباله هذه الشركات بأي طريقه، وليس له أي علاقه بزباله البيوت، عشان منقطعش رزق الزبالين و منجبش لنفسنا المشاكل

دي فكره جالتي النهارده، أعتقدأانها تستحق النقاش علي الأقل، وربما تري النور في يوم من الأيام، بس المهم أننا بجد نتعلم منرميش الزباله في الشارع والكلام لنفسي قبل ما يكون لحد تاني